दुर्गा भवानी जय हो ,
शीतला भवानी जय हो ।
तोर भुवन मा आयेन ओ मैंया ,
तोर सेवा मा आयेन ना ।।
सुने हांवन तोर चरन के दाई,
महिमा हे बड़ भारी ।
तेखरे सेती दुनिया भर के,
आथे तोर दुवारी ।।
वो मैन्या आथे तोर दुवारी ।।
मोला दास बनाले,
चरन के तोर ।
मैं पइन्या परत हव,
हाथ जोड़ ।।
तोर भुवन मा आयेन ओ मैंया ,
तोर सेवा मा आयेन ना ।।
सत के तै सतवंतिन महामाई ,
सत के करे सहाई,
हो मईया सत के करे सहाई ।
तही हावस मोर विंध्य वासिनी,
डोंगरगढ़िन दाई,
हो मईया डोंगरगढ़िन दाई ।।
बमलेश्वरी मईया जय हो ,
दुर्गेश्वरी मईया जय हो ।
तोर भुवन मा आयेन ओ मैंया ,
तोर सेवा मा आयेन ना ।।
बुचीपुर महामाई कहाए ,
संबलपुर समलाई ,
हो मईया संबलपुर समलाई ।
परम साहू तोर जस ला गाए ,
करबे हमरो सहाई,
हो मईया करबे हमरो सहाई ।।
बघवा सवारी जय हो ,
दुर्गा महारानी जय हो ।
तोर भुवन मा आयेन ओ मैंया ,
तोर सेवा मा आयेन ना ।।
दुर्गा भवानी जय हो ,
शीतला भवानी जय हो ।
तोर भुवन मा आयेन ओ मैंया ,
तोर सेवा मा आयेन ना ।।
------------ परम साहू ----------
You tube Song link:-
https://youtu.be/9d_Hp6Jn7MI
