ये संगी झुलवा झूले जाबो ना,
चल संगी झुलवा झूले जाबो ना ।
झूलवा बंधाए पीपर डारा ,
ये संगी आ जाबे तै परम पारा ।।
तरिया के पार सुघर ,
पीपर के छईन्हा ।
झूलवा झुलबो दुनो ,
जोरे जोरे बईन्हा ।। 2
बैठ के रानी दूनो,
गीत गाबो ना ।।
झूलवा बंधाए पीपर डारा ।
ये संगी चल जाबो चल परम पारा ।।
संगी सहेली ला लेके मैं आन्हू ।
मया के गीत गाके जल्दी मैं जान्हू ।।
दाई ददा के, राजा लगे हे पहरा ,
झुलवा बंधाए पीपर डारा ।
ये संगी चल जाबो चल परम पारा ।।
करमा के धुन मा मांदर बजाबो ।
झुलवा झूलबो संगी सबला झुलाबो ।।
पप्पू, जुड़वान सबो झूले आए ना ।
झुलवा बंधाए पीपर डारा ।
ये संगी आ जाबे तै परम पारा ।।
मांदर बजाबे राजा, मैं चले आंहु ।
मया के गीत गाके जल्दी मैं जांहु ।।
मया के बंधना झन छूटे कभु ना ।
झुलवा बंधाए पीपर डारा ।
ये संगी चल जाबो चल परम पारा ।।
ये मयारू आजाबे तै परम पारा ।।
------------- करमा गीत-------------
You tube Song link :-
Nice song sir ji
ReplyDelete